سلايدرفن

فيديو… متسابقة ذا فويس نورهان المرشدى تهاجم الساخرين من والدتها

 

خرجت المتسابقة نورهان المرشدى  عبر بث مباشر من حسابها بموقع إنستجرام بعد تصدر صورة والدتها وهي راقدة على الأرض محركات البحث، وزيادة التعليقات الساخرة عبر موقعي يوتيوب والفيس بوك.

وقالت: قبل ما أرد على اي حد او اقول اي حاجه بوجه بس رسالة صغيره لكل الناس اللي بتتريق على امي وإنها ازاي تقع كده.

وطالبت رواد مواقع التواصل الاجتماعي بالكف عن مشاركة الصورة مراعاة لمشاعر أمها المصابة بأمراض الضغط والسكر.

 

وأضافت :

“انا امي ست مريضه كافحت وتعبت عشان انها توديني برنامج زي ده وتخليني مبقاش اقل من اي حد بيروح امي مريضة سكر وضغط وجزمتها فوق دماغي مهما عملت ومهما حصل منها وانا مش شايفه انها غلطت دي من فرحتها ومن تعبها فرحانه بيا وباللي وصلتله حتى لو دي الحلقة الوحيدة اللي ليا فا تعبها وكل اللي عملته عشاني هيفضل تاج فوق راسي وجزمتها تفضل طول عمرها فوق دماغي واتشرف بيها ربنا يخليهالي ويديها طولة العمر والصحة”.

وبعدها دونت نورهان منشورا عبر حسابها بموقع الفيس بوك قالت فيه: اقتنعت اقتناع تام بإن الناجح دايما له اعداء امثله كتير اوي كانت بتاخد تريقه وشتايم وحاجات أكبر من اللي حصل ع السوشيال ميديا من امبارح كتير وأكبر مثال عن ده سيدنا محمد عليه الصلاة والسلام كان بيتقال عنه ساحر وجاهل وغيره كتير ومع ذلك كان دايما في حاله ومش بيشغل باله بحد الشجرة المثمرة يقذفها الناس بالحجارة.

زر الذهاب إلى الأعلى
إغلاق