فننيوز

ملخص أزمة تامر حسني مع “جينيس”: الموسوعة نفت إنه الفنان الأكتر تأثيرا في العالم

– بدأت البرامج والمذيعين يستعدوا لاستضافة نجم الجيل تامر حسني بعد دخولة موسوعة “جينيس” ونشرت الفنانة بسمة بوسيل “ستوري” على الأكونت الشخصي بتاعها بتحتفل فيه بوصول تامر حسني لرقم جديد ودخولة الموسوعة العالمية ولكن هذه ليست الحقيقة.

– في البداية صرح الفنان تامر حسني في مداخلة مع عمرو أديب في برنامج “الحكاية” على قناة “MBC مصر” إن شروط الموسوعة تقريبا مستحيلة وإنه رفض المشاركة فيها قبل كده مرتين، وإن من ضمن اللي رشحه للمسابقة مشهد فيلم “نور عيني” اللي مات فيه أخوه وأغنية “أنا مش عارف اتغير”.

– لكن  هناك اخبار اخرى إن تامر حسني اترشح للجايزة دي عشان خد 3 جوايز مؤثرة ، وهي جائزة “أول فنان عربي وضع بصمته في هوليوود”، وعلى “جائزة BIG APPEL” كأشمل فنان في العالم، وجائزة أول فنان مصري يحضر لبلده موسوعة “غينيس ريكورد” لأكبر حملة تبرع بالدم، التي عملها مع جمهوره، وهي جائزة بتعتمد على القيمة الفنية.

– ونشرت صفحة “مارينا مول” بأبو ظبي إنهم هيستضيفوا النجم تامر حسني يوم 6 ديسمبر، وقالوا كمان إن تامر حسني هيشارك بمعرض خيري خاص لمقتنياته من أشهر أعماله الفنية عشان يبعها في مزاد علني وهيتبرع بفلوسها لمنظمات المجتمع المدني، ده غير إن تم ترشيحه لتحقيق رقم جديد بموسوعة جينيس ريكوردز للأرقام القياسية.

– ثم بعد ذلك الحساب الرسمي بتاع الفنان نشر صور ومقطع فيديو من حفل تكريم الفنان وعلق عليه وقال “”كسرنا الرقم العالمي القديم بأكثر من ضعفين الحمد لله، تامر حسني يدخل موسوعة جينيس ريكورد كأكثر فنان مؤثر وملهم في العالم”.

–  قال أحمد الشيخ مقدم برنامج 30 فبراير البرنامج اللي بيتحقق من صحة الأخبار اللي على مواقع التواصل، إنه مالقاش أي بيانات بتدل على تحقيق تامر حسني أي أرقام قياسية في موسوعة “جينيس”

لكن موسوعة “جينيس” أصدرت بيان وقالت إن تحقيق الفنان تامر حسني لقب الفنان الأكتر تأثير وإلهام العالم كلام غير صحيح، لإن الموسوعة لا تقييس الإنجازات اللي لا تتبع معايير واضحة.

– وقالت موسوعة “جينيس” في بيانها إنهم بيمتلكوا معايير واضحة وصارمة أهمها إن الإنجاز يكون قابل للقياس وقابل للكسر وإن الإنجاز يكون قابل للتقيم والتحقق من صحته، وأضافت إنها مابتتبعش أي عملية فيه تصويت جماهيري، وأشارت كمان معايير كسر الرقم القياسي الخاص بـ”أكثر عدد مشاركات على لوحة إعلانات” بتتضمن مشاركة أكبر عدد من الأفراد في لوحة الإعلانات نفسها، وبتكون متضمنه اسم فريد ورسالة من المشارك نفسه.

– وأخيرا هنت موسوعة “جينيس” مول “مارينا مول أبوظبي ” والفنان تامر حسني إنهم على مدار 6 أيام من المدة المسموحة لتقديم المشاركات نجح زوار “مارينا مول” في تحقيق 12086 مشاركة وتخطوا الرقم السابق اللي حققوه في 5 ديسمبر 2017 واللي وقف عند 4900

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق