مصر اون لايننيوز

هزم الفشل وكسر كل التوقعات.. رحلة بيج رامى لبطولة العالم في مستر اولمبيا

كتب: أشرقت أشرف

مش غريب على مصر ان يخرج منها ابطال عالميين على مر العصور وفي كل المجالات زى احمد زويل  مجدى يعقوب محمد صلاح وبيج رامى.

بيج رامى اللى هزم الاحباط وداس على الفشل بتعبه واصراره ومجهوده.

بيج رامى اللى خسر مرة واتنين وتلاتة ومع ذلك مستسلمش.

وفي وقت ما العالم كله كان متاكد انه مستحيل ينجح او مستحيل يوصل.

بيج رامى كسر كل التوقعات وكسب المعركة اللى كان مؤمن بيها لوحده لوحده بس.

لما قدريكتب في التاريخ المركز الاول بلا منازع في بطولة مستر اولمبيا لكمال الاجسام .

البطولة اللى مبتقلش اهمية عن كرة القدم في العالم كله.

وبكده هو اول بطل مصري يوصل للبطولة ديه وياخد لقب بطل العالم.

 

 

 

 

 

اتولد رامى ممدوح السبيعي في مركز بلطيم بمحافظة كفر الشيخ 1985، وبدأ مسيرته التدريبية في ”أوكسجين جيم” بالكويت سنة 2010، وحقق وزن 200 رطلا سنة 2011.

أول ظهور عالمى ليه كان في بطولة مستر اولمبيا للهواة 2012 وقدر يحقق المركز الاول بالبطولة وكان وزنه 286 رطلا.

وفي 2013 زود رصيده بفوزه بطولة  نيويورك برو.

ومن محطات بيج رامى اللى بتثبت انه بطل عالمى في 2015 لما كان اول مصري وعربي ياخد بطولة  اورنلد كلاسيك في البرازيل ،وقتها حصل على جايزة ماليةب 130 الف دولار وسيارة هامر وساعة روليكس.

 

اما التحدى الحقيقي اللى في حياة بيج رامى والرحلة الصعبة فعلا اللى كان فيها انكسارات وسقوط  هى بطولة مستر اولومبيا للمحترفين.

 

ف 2013 حصل بيج رامى على المركز التامن

وفي 2014 مركز سابع

2015 مركز خامس

2016 مركز رابع

ولسة الشغف موجود والاجتهاد مكمل ،فقدر يكون ف 2017 مركز تانى وكان على بعد خطوة لحلمه ،لكن القدر لعبته كانت غير متوقعة للكل.

فبعد توقع العالم كله انه في 2018 هيكون ف  المركز الاول كانت الصدمة للجميع ان بيج رامى ياخد مركز سادس!

رياح الرحلة الصعبة اشتدت

وفي 2019 متاهلش للبطولة من البداية  وحتى البطولات التانية اللى كان بيكسبها للاسف اتحولت لخسارة

وبكده كل العالم امن ان رامى عمره ما هيكسب مستر اولمبيا خلاص مبقاش فيه امل

واللى زود الايمان بفشل رامى اكتر هو اعلانه عن الاصابة بفيروس كورونا اللعين في اكتوبر 2020 قبل البطولة بشهرين

يعنى خلاص كده بيج رامى  انتهى!!

خلاص كده بيج رامى وقع للكلام المحبط والمرض والفشل 3 سنين ورا بعض !!

بس يمكن كل الظروف الوحشة والانكساروالاحباط هو السبب ف ان بيج رامى يفاجى العالم كله باجتهاده وصبره وسعيه لاخر نفس

بيج رامى قدر يكتب النهاية بصبره واصراره وتعبه واخد بطولة مستر اولمبيا اخيراااااااااااااا

تحية لكل لحظة وقعت فيها وبعدها قومت

تحية لكل لحظة  تعبت فيها  اتحولت لنجاح

تحية لكل لحظة قالتلك مستحيل حولتها لممكن

تحية ليك انت عشان اكدتلنا ان الحلم ممكن يكون حقيقة

وان مهما الظروف قالت لا والمحن زادت لازم  نكمل الطريق

صدقنى يا بطل بتجربتك اثبتلنا ان الشغف لازم يتولد جوانا من جديد وان الايمان بالنفس حقيقي وانى ممكن في يوم اوصل لحلمى

تحية كبيرة لبطل مصر العظيم بيج رامى.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق