مطاعم

لو فاكر إن ايتوال عملت كنافة نافة نافة بس .. تبقى غلطان 😎

إيتوال

لو فاكر إن ايتوال عملت كنافة نافة نافة بس .. تبقى غلطان 😎
عشان في الجديد بقى إن إيتوال عملت عظمة لما دخلت في عالم الكافيهات ☕
فلو إنتوا صحاب وعايزين تقعدوا في مكان مش غالي و بيقدم كواليتي عالية يبقى يلا بينا على إيتوال🌟
💫بداية القصة لما إيتوال بدأت بالحلويات وإتميزت في الكنافة بالمانجا اللي كلنا بنعشقها منهم
و جربت من عندهم المولتن كيك كانت رهيبة ولو لسه ماجربتش التشيز كيك انصحك تجربها بالبلوبيري و اللوتس مالهاش حل وفي الجديد بقى كيك العسل honey cake حاجة كده عظمة جربها بالعسل الأبيض، لذيذة و خفيفة و مش تجزع النفس ابدًا .. هتطلب منها وإنت مروح 🥰
و كل ده في كوم والحلويات الشرقي في كوم تاااااني 😯
🎂هتلاقي كل الحلويات والتورت بتاعتهم فريش جدًا جدًا و ال quality بتاعها رائع بالنسبة لأسعارها اللي تعتبر في عالم الحلويات مش غالية
ده غير المخبوزات الفريش المميزة
وتسكت على كده إيتوال … لاااااء 😎😂
هوب دخلت علينا من فترة بمنيو الحادق اللي فيه البيتزا الإيطالي 🍕 والشرقي مليانه مكونات ومستوية وطعمها تحفة بشكل مش طبيعي😋
ولو لسه ماجربتش النجرسكو السي فود والتشيكن يبقى فايتك كتير أوي !! لاء بكلمك بأمانة 😂🍝🦞
لحد هنا كل ده تمام
مؤخرًا بقى دخلوا عالم الكافيهات وعملوا عظمة العظمة بدل ماتروح تشتري و تمشي انت هتدخل تاخد الحلو بتاعك ومعاه قهوة و تقعد براحتك وهتدفع فرق حاجات بسيطة (الخدمة والضريبة) مش هيجوا حاجة جمب القعدة الحلوة♥️
الميزة بقى في إيتوال إنه فاتح في كل حته و فروعه كتير
انا جربت قعدت الفرع اللي في شبرا الخلفاوى القعده فيه حلوة أوي
وفرع الدوران اللي في شبرا القعدة اللي على الروف ترد الرووووح لازم تجربوه مش هتندموا👌🏼
الأوردر إتأخر شويه بس عشان كان عندهم ضغط طلبات
لكن في المجمل الخدمة كانت ممتازة 👌🏼🌟
تقدروا تعملوا أعياد ميلاد هناك المكان والجو مناسبين أوي بس لازم تحجز قبلها بيوم على الأقل🎂🥳
👈🏼لو طلبت أوردر بقيمة 100 جنيه أو أكتر من أبليكيشن السعادة هتكون خدمة التوصيل مجانًا

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى