مطاعم

سيريانا في الشيخ زايد – المكان اللي عمل الشاورما ألوان

بيقولك العين بتاكل قبل البوق

بيقولك العين بتاكل قبل البوق
فتخيل معايا كدا شاورما وبالألوان اه والله زي ما بقولك احلى بوكس شاورما ألوان من سيريانا في الشيخ زايد
موقعهم في الشيخ زايد مميز جدا
وأول حاجه هتيجي عينك عليها كمية أسياخ الشاورما
المكان منظم جدا و متقسم كل قسم لوحده قسم المشويات والبروستد و الشاورما طبعا
الناس اللي شغالين هناك على درجة عليا من النظام والنظافة دا غير إنهم بيعملوا الأكل بكل حب
ولو مش جعان هتجوع هتجوع ❤️
من الإختراعات الجديدة اللي عندهم بوكس اسمه ( سيريانا ) عباره ٣ سندوتشات شاورما عليها جبنة بارميزان ❤️ وألوانهم أصفر أحمر وأخضر
وطبعا كل لون وله سبب مش مجرد لون وخلاص الألوان دي عباره عن صوصات مختلفة مخبوزة مع عجينة العيش الصاج عشان تبقي بالألوان دي
اللون الأحمر بصوص الهاني ماسترد
واللون الأصفر بصوص الشيدر
أما اللون الأخضر بصوص البارميزان
وسعر الساندوتش ده بيبدأ من ٥٤.٩٩ جنية.
وطبعا في ساندوتشات شاورما عادية اللي بتتقطع شرايح كبيرة و بطعم مميز جدا مع صوص التومية الموزون المظبوط
سعر الشاورما بيبدأ من ٤٢.٩٩ جنية
أما بقى الفراخ البروستد بقى و جمال لونها الذهبي المقرمش وطعمها اللي مالهوش حل موجود منها الإسبايسي الخطير وموجود منها العادي
وسعرها بيبتدي من ٤٩.٩٩ جنية
بيبقى عباره عن ٣ قطع كريسبي وبطاطس وتومية او صوص هاني ماسترد حسب الرغبة
دا غير قسم الساندويتشات الفاهيتا وعشاق البرجر و مغرمين الفراخ الكرسبي الساندوتش بيشبع جدا و كبير و فيه صوصات مميزة
نيجي بقى لقسم المشويااااات يا جماعة الدلع كله
ولا أجدع كبابجي و عندهم إختراع لازم تجربوه
رول سيريانا عبارة عن دواير مشوية من رول لحمة من أجود أنواع اللحوم الفلتو العجالي ومعاها بقى السلطات القمر سلطة ذرة بقى تبولة فتوش وكل اللي قلبك وبطنك تحبه
نيجي بقى للصالة ماشاء الله كبيرة و الديكور بتاعها حلو جدا ومودرن شكله من برا بانوراما إزاز كله على المول و الشارع هتبقى شايف زرع وورد حاجة أخر روقان تضبط المود
مطعم سيريانا مطعم يستحق التجربة روحوا ودلعوا نفسكم و دلعوا بطنكم
العنوان : الشيخ زايد -المحور المركزي الاوسط – شارع الشباب سنتر ڤيل بجانب مستشفي جلوبال كير

تليفون: 01155576011

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى