كافيهاتمطاعم

“Garcia Restaurant” أحلى قعدة في مصر الجديدة

أكل خطييييييييير وحلويات جامدة جداااااا وأحلى قعدة rooftop في الكوربة

أكل خطييييييييير وحلويات جامدة جداااااا وأحلى قعدة rooftop في الكوربة عند “Garcia Restaurant”
جارسيا عامل خصم ٢٠٪ كل يوم قبل ٣ العصر لو اتصورت أو صورت الأكل وعملت تاج للمطعم
الـ rooftop حلو جدا القعدة فيه بجد مريحة وتفتح النفس على الأكل أو على الحياة بشكل عام 🥰😅المنيو بتاعته كبيرة أطباق فطار وغدا وبيتزا وباستا وحلويات مخبوزات دا غير القهوة والـdrinks 🧋🥤
في الاطباق الرئيسية طبق باستا red sauce مع صدور فراخ مشوية الportion بتاعته كويسة تشبع وباستا pesto بقطع الفراخ المشوية تحفة وبيتزا مارجريتا🍕 وسلطة Taco Shell كبيرة ممكن كذا حد يشير فيها 😋
الحلو اللي كان خطير فعلا الGolden Fingers دي عبارة عن صوابع من عجينة شبه السينابون محشية نوتيلا من جوه ومتغطية بشوية قرفة وسكر بني ومعاها dipping نوتيلا عشان الجريمة تكمل🥳
كمان الـ French Toast بالنوتيلا والموز وأيس كريم الفانيليا 🍦🧇.. قرمشة الفرنش توست مع النوتيلا والايس كريم حاجة كدا مزاج
اطباق الفطار عندهم برضو مختلفة وكبيرة تشبع زي الهوت دوج رول ملفوف في بيض اومليت ومعاه بطاطس ويدجز وقطع مشروم فريش وسلطة.. كمان جربنا السموكد سالمون اومليت دا توست عليه أومليت متغطي السالمون السموكد والجبنة الكريمي وجنبه مشروم وويدجز وسلطة.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى