المود التركي مع الأجواء المصرية في Ayla Turkish Cuisine 🇪🇬🇹🇷
Ayla Turkish Cuisine
من أكبر الأماكن الموجودة والقعدة هناك بتطل على النيل يعني تخيل هتقعد في الهواء ومود تركي مع أكلة أو مشروب حلو☕🫖
المنيو مليان كل الوجبات من أول الفطار لحد العشاء وعندهم الفطار الشرقي عبارة عن فول + فلافل مع أومليت ولبنة زيت زيتون مع مكعبات بطاطا مقلية و2 ميني منقوشة زعتر وجبنة مع فنجان الشاي أو القهوة المتين🔥
عنده بقى الخبز الصاج ممكن تختاره بالجبنة البيضاء أو جبنة القشقوان ودي من أنواع الجبن المستورد وأصله في مقدونيا..
السلاطات هناك أشكال وألوان من أول ال Greek Salad لحد الفتوش والتبولة وأسماء كتير مختلفة جايز مسمعتوهاش قبل كده لكن هتلاقوها هناك وهتعجبكم أوي👌
الأكل الحادق بقى فيه منه كتير زي البيتزا المارجريتا وفيه بيتزا أطلس عبارة عن جبنة موتزاريلا مع السجق والسلامي والمشروم وحاجات كده تعجبك وتشبعك غير أنواع الباستا اللي تدوب في البق😍
أما في ركن الحلويات هتنبسط بالمنيو جدًا خصوصًا لو كييف شوكولاتات زي الوافل والبراونيز وكمان بيقدموا التشيز كيك يرطب عليك الحر وعمايله
📍العنوان:
ممشى الكورنيش الجديد عند طلعت كوبري الزمالك – أبراج البنك الأهلي
#قعدةأوربية مع #أجواءمصرية
