مطاعم

حجوجة يعني الأكل البيتي على أصله❤️

حجوجة

حجوجة يعني الأكل البيتي على أصله❤️
لو بتعدي على طريق السويس وبتكمل عادي لازم تعرف إن فايتك عظمة بتحصل هناك وهو مطعم حجوجة..
المشوي على الفحم مقولكش عليه شوية الكفتة مع الريش والكباب الضاني هتخليك تسرح في ملكوت تاني🤩
عندهم كمان فرد السمان مع الزعتر والليمون وفيه حاجة إسمها ترويقة ضاني دي ترويقة على حق عبارة عن ضلع مع رز مسقسق🍚
عندهم بقى مطبخ حجوجة عبارة عن شوية صواني عجب من أول ورق عنب الكوارع لحد اللحمة بالبطاطس وفيه صينية لوحة ضاني بالبطاطس حاجة عاملة زي اللوحة الفنية في شكلها الشهي وطعمها الفريد من نوعه.✅
الجريل بقى يخلي القلب يتنطط من الفرحة زي ورقة اللحمة المستوية على أخرها وشوية السجق المشويين العظمة ولا يا سلام على الكبدة الجريل بطعم كده على وضعين وضعه غير رغيف الحواوشي الجريل إختراااع🔥
ولو جربت الحواوشي الضاني فيا بختك ولو لسة جربوا وقت ما تقدر..
الطواجن بقى فيه منها كتير منها طاجن الحج مكونة من عكاوي ومخاصي مستويين في تخديعة النخاع لمدة 6 ساعات بطعم وشكل مستوي زي الزبدة🧈
عنده نص البط بيحشيه بورق العنب وفيه من غير ورق عنب لو عاوز وفيه وجبة نص البطة مع الرز والملوخية حلوة جدََا
أما لو كييف أكل البشوات الحمام فهتلاقي حمام محشي وحاجة إسمها برام برج الحمام عبارة عن حمام محشي مع زر بالزبدة + المزاليكا المزيكا فعلاََ من حلاوتها
غير بقى الفتات زي الكوارع بالنخاع اللي هتخلي الأعصاب حديد
ولو نفسك في الأكل البلدي اللي على حق جرب صينية الرقاق وعندهم صينية رقاق حجوجة محشي بط مخلي وفيه أكله بتعلي الدوبامين وهي رقاق زبدة وقشطة
ولو نفسك في شوربة ترم العظم هتلاقي أشكال وألوان غير المحشي البيتي زي الممبار أو سرفيس المحاشي اللي هيدلع الجو ويبسطك
📍العنوان:
حديقة المدفعية شارع الصاعقة طريق السويس
📱للتواصل
01090055200
#حجوجة #الطعم_الأصلي

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى