أماكن أوتينج و قاعات أفراحفنادق

احنا جبنالك تايلاند في مصر بأكل تحفة و أسعار معقولة جداً 🥳 Morgana Restaurant

Morgana Restaurant

مش لازم تروح تايلاند عشان تسمتع بالأكل وسط الجبل و الخضرا 🖼️
احنا جبنالك تايلاند في مصر بأكل تحفة و أسعار معقولة جداً 🥳
المكان Morgana Restaurant 👌🏼
موجود في فندق الماسة
مطعم تأكل فيه أحلى سمك علی جبل كله أخضر كأنك فی تایلاند فعلاً 🤩
المكان شيك أوي فلو عندك عشاء عمل مش هتلاقي أنسب منه 😎
ولو إنتوا خروجة أصحاب وعايزين تستمتعوا وتقضوا يوم حلو، فالفيو مالوش حل ولازم تاخدوا كاميرا معاكم 📷
بالنسبة للأكل بجد كان طعمة تحفة التتبيلة بتاعت الجمبري رهيبة
👈🏼بننصحك تبدأ بشوربة السي فود بتاعتهم إسمها مرجانة بجد خطیرة و مليانة خيرات البحر
لو إنتوا مجموعة كبيرة هما بيقدموا صينية إسمها الفلوكة سعرها ١٦٠٠ ج بس حقيقي بتكفي ٦ أفراد ودي وليمة لوحدها.
فيها خيرات البحر بأحلى تتبيلة هتلاقي جمبري و كابوريا وبلح البحر بالبشاميل معاه سمك فيليه (مقلي و مشوي) و سبيط بلدي مقلي وبينزل معاهم الرز البسمتي و ٤ أنواع سلطات
✌🏻ولو انتو فردين بس هتلاقي عندهم صينية بطاطس بفواكه البحر ( جمبري و بلح البحر و كابوريا) و متغرقة في البشاميل والجبنة الموتزاريلا على الوش وكل ده ب ٢٣٠ ج بس تكفي فردين أكيله
ومينفعش تروح هناك وما تجربش طبق مرجانة و دا عبارة عن فيليه سلمون مشوي و جمبري چامبو مشوي طبق تحفة وبيشبع جداً وب ۲٩٥ ج🥳
عندهم طبق حلو برضو أوي إسمه الصياد و دا عبارة عن تشكيلة من سمك فيليه و الجمبري الچامبو و سبيط مقلي او مشوي حسب إختياركم ب ٢٩٠ ج❤️
نقولك بقى على الحاجة الحلوة في الأسعار إن مفيش ضريبة قيمة مضافة 💪🏼
الأسعار بس يضاف ليها ١٢% خدمة
👈🏼لو إنتو أكثر من 10 أشخاص لازم تحجزوا قبلها لو أقل من كده مش ضروري
أرقامهم للحجز : ٠٢٢٤٠٢٣٦٨٠ 📞
📍عنوانهم:
داخل فندق الماسة شارع عبد العزيز الشناوي خلف المنصة ، مدينة نصر ، بوابة A
#مطاعم #مدينة_نصر #الماسة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى