مطاعم

تعالوا ناخد سكان زايد رحلة للمطبخ اللبناني شاملة الغدا بـ 55 جنية بس

سكان الشيخ زاااااايد إين أنتم ؟

سكان الشيخ زاااااايد إين أنتم ؟
تعالوا ناخد سكان زايد رحلة للمطبخ اللبناني شاملة الغدا بـ 55 جنية بس
ايييييييييييييوة 55 جنية
مكان المطعم اصلا حلو اوي في مول Green Park 🏞️
بالنهار تبقى شايف المساحات الخضراء، و بالليل بقى تشوف إضاءة الزينة زي الغزالة و الاقواس الذهبية .. بتطلع حلوة اوي في التصوير
كمان في صالة كبيرة مكيفة ديكوراتها هادية باللون الـ mint و مستخدمين افيشات الافلام بتاعت زمان بتفكرنا بذكريات جميلة 😍
نيجي بقى للاكل
المنيو فيها أصناف اسعارها تبدأ من ٥٥ جنيه زي فتة البتنجان 🍆 و دي على فكرة من أشهر الاكلات اللبنانية 🇱🇧
و مميزين كمان بالمشويات، أهمهم نوعين كفتة
كفتة بالفسدق الحلبي و دي عبارة عن كفتة لحم صافي بتتزين بالفسدق و بيتقدم معاها رز بسمتي ب ١٢٠ جنيه
و في الكفتة الحلبي ب ١١٠ جنيه
بتبقى لحمة بالخضار و التتبيلة اللبناني و فعلا طعمها مختلف تماما عن الكفتة العادية و عجبنا اوي
من الاطباق كمان فتة الفراخ ب ١٠٠ جنيه
بتتقدم في طاسة نحاس شكلها شيك اوي، فيها الرز و العيش المحمص و الرز بصوص الزبادي بالتوم و عليهم قطع فراخ طعمها عامل زي الشاورما بس دي أحلى عشان الفراخ قطع اكبر 🍗
شاطرين جدا كمان في المناقيش، زي اللحم بالعجين، الزعتر و نصيحة اتفرج عالصور قبل ما تطلب عشان تعرف حجمها .. لاني كنت فاكرها صغيرة بس لما نزلت اكتشفت انها في حجم البيتزا الوسط ” مش صغيرة” ممكن تكفي فردين🫓
أما الحلو بقى ف دا أفهم فقرة عشان نحلي بيها اليوم كله ❤️
جربوا العثمانلية 🤲 ودي بتبقى طبقات من الكنافة و بينهم كريمة بالقشطة و عليهم عسل و مكسرات فسدق و بندق و بتتزين بالكريز المفروم
وحلوى الجبن .. دي بردو من الحلويات المشهورة اوي في لبنان 🌲
و يا سلام بقى لما تطلب معاها براد شاي بالنعناع و تشربه بمزاج كدة 😇 عشان يبقى اليوم فقل مظبوط و مزاجنا عالي
رقم التليفون
01140555832
العنوان
الشيخ زايد، مول جرين بارك، الممشى السياحي
#مطاعم #الشيخ_زايد #أكل_لبناني

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى