كافيهاتمطاعم

أبو سليم من كبار المطاعم في المشويات

أبو سليم

التورت بالشوكولاتة أو الفانيليا لكن لما تبقى فرايد تشيكن كده الموضوع بقى كبير
أبو سليم من كبار المطاعم في المشويات
المكان هناك متقسم مطعم وكافيه لدرجة أول ما هتدخل هتلاقيهم بيسألوك عاوز إيه فيهم..
ال Staff هناك محترمين جدًا وفريندلي لأقصى درجة😊
في الأول لازم تبقى المعدة فاضية لإن أكلهم هناك هيسد معاك لأخر اليوم
أول حاجة مطبخ أبو سليم فيه الأكل الحرش زي مشاوي اللحوم والصواني وبعدين هتدخلوا مكان الطواجن سواء ورق العنب غارس كده بالعكاوي اللي تبني العظم والعضلات أو طاجن العكاوي طاجن الأكيلة صح الصح✅
بيعمل طواجن خضار جربنا منها البطاطس باللحمة كانت تحفة وطاجن الملوخية بالطشة بتاعتها وهم 🎊
المشويات على وضعها جربنا نص فرخة تكا كانت حكاية والجميل إن سعرها يعتبر قليل مقارنة بالمطاعم التانية
كمان جبنا ربع مشكل لكل واحد وطعم الخلطة مع اللحمة حلوين والحلو في الكباب إنه مستوي مظبوط يعني مش بيشد ومش مهري
دقنا الطاسات بتاعته وعجبنا الطاسات اللي جربناها وهي السجق والكبدة
الأطباق مليانة وتشبع والحاجة اللي شدتنا الميكس جريل وميكس أبو سليم اللي متشكل من كباب وكفتة وطرب وفرد حمام محشي ولو ليك في سندوتشات المشويات جرب الحواوشي والشيش طاووق👍 هتلاقي الطعم والخلطة مع العيش خلتنا نطلق قلوب من عينينا😍
بعدين نيجي لعشاق الفرايد تشيكن المتمرمغة في خلطتهم السحرية زي وجبة ال 9 قطع الكرسبي مع البطاطس المقلية والكولسلو مع 4 عيش وكولا
وعنده بوكس فيه قطعين ستريبس + قطعتين كرسبي مع البطاطس وهكذا..
إسم البوكس Mega Box☝️
غير الساندوتش العملاق إسمه Shooter Chicken Turky فيه صدور الفراخ مع التركي المدخن وصوص الجبنة + حلقات البصل المقلية ويا سلام لما الخس والطماطم والخيار المخلل يدخلوا في الموضوع
أخر حاجة الكافيه وده هتلاقي الكوفي المفضل ليك وممكن تضرب معاه حاجة من ال desserts زي المولتن كيك المتغرق شوكولاتة مع بولة الأيس كريم😋
📍العنوان
شبرا الخيمة الشارع الجديد – محطه الفيلا
للتواصل
📱01050505285
☎️42223002
#مطاعم #شبرا_الخيمة

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى