مطاعم

الكشري الغير تقليدي ده تقدر تسميه سلوجان لمطعم تومة..

مطعم تومة.

الكشري الغير تقليدي ده تقدر تسميه سلوجان لمطعم تومة..
تومة مطعم كشري على حق بس عامل إستايل في المطعم عالمي والأكل نظيف بس الطعم والمعاملة حكاية🔰
تومة عامل عروض بمناسبة الصيف تابعوها على صفحتهم
أول حاجة جربنا عرض الكازرولة طاجن فراخ أو لحمة حسب إختيارك مع رز بلبن وكولا ب ٤٠ بدل من ٤٧
وفيه ميكس كده من إختراعهم إسمه فتة الكشري معاه رز بلبن وكولا سعرها ب ٤٠ بدل ٤٩🔥
عجبنا في طعم الكشري إنه يفتح النفس وطعم الحمص مع الرز والمكرونة حاجة طازة ومتظبطة
والصلصة عندهم طعمها حلو مش صايصة أو الثوم بتاعها تقيل والحلو فيها إنها بتنزلك سخنة مع طبق الكشري❤️
العيش التوست المحمص طعمه جامد والأحلى إنه مش ناشف يعني تستمتع بالقرقشة بتاعته والدقة بقى معمولة بكل دقة ومش هتحس بالخل إنه زيادة عن اللزوم بس في نفس الوقت تحس باللذعة اللذيذة بتاعته مع الصلصة على الكشري ميكس جمييييل😍👌
اللحمة لما جربناها في الطاجن كانت فريش وحاسس بطعم المكرونة مع اللحمة مفيش حاجة مغطية على التانية وكمان كمية اللحمة كانت مناسبة..
والفراخ عنده نظيفة وبردو كميتها حلوة على المكرونة
والمميز في الطاجن إن المكرونة مش معجنة ومستوية صح
في الأخر قلنا نحلي بعد وليمة الكشري والطواجن فجربنا الرز بلبن طعمه دسم وكمان دقنا الكريم كراميل المنظبط وختمنا بالأيس كريم اللي ترطب على الواحد في عز الحر والصيف
وممكن ترطب على نفسك بالكولا ماشين الوسط أو الكبيرة وفيه مشروب إسمه سلاش جربوه عندهم وسعره حلو جنب الحجم🤩
تومة الفيو الحلو والمطعم كلاس بطعم الكشري الأصيل
📍العنوان:
ش طلعت حرب – عرابي – قسم قصر النيل – القاهرة
☎️التواصل:
19397
#مطاعم #طلعت_حرب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى