مطاعم

المحمدي من أكبر مطاعم المشويات وعنده أشكال وألوان من المشويات والطواجن والشورب

معم المحمدي

شوربة اللسان عصفور مع المشويات طعم مش هتحكي لع_دوك عليه..
المحمدي من أكبر مطاعم المشويات وعنده أشكال وألوان من المشويات والطواجن والشورب
جربنا شوربة تانية من عندهم إسمها شوربة المحمدي ودي شوربة فيها شطة مولعة🔥 عبارة عن قطع اللحمة والفراخ والمشروم ولبن جوز الهند
وفيه عندهم في المنيو حاجة إسمها شوربة اليوم بتسأل عليها في يومها
جربنا عنده الملوخية فيه ونزلنا ملوخية بقطع الديك الرومي طعمها تحفة❤️
وعشان إحنا بنعشق الشطة جربنا أجنحة الفراخ المشوية بصوص السيراتشا الحار والفراخ دي مشوية على الفحم مع صوص كده إسمه بلو تشيز صوص
لما حبينا ندوق ال Appetizers طلبنا إسم كده لفت نظرنا إسمه طبق كومبو فيه يالانجي (ورق عنب) و٦ مقبلات من إختيارك وضلمة (ده فلفل محشي رز مبهر والتوت البري واللوز) طعمه فعلاََ حلو أوي
وعنده بقى سلطة الجبنة والطماطم المتبلة طعم جامد أوي💪
في المشويات المنيو كبير طلبنا مشكل كباب وكفتة طعم اللحمة والشوي بالتتبيلة حواااار وعنده الكلاوي مظبوطة أوي
وفيه شواية مراكش دي تشكيلة من كباب وكفتة وبيت كلاوي مع طرب وشيش طاووق وفراخ مشوية غير السجق المشوي والحواوشي✅✅
والجميل إن الوجبة دي تكفي من فردين ل ٣ أفراد..
في الباستا إختارنا التشيكن ألفريدو دي مكرونة فيتوتشيني مع صلصلة ألفريدو الكريمة مع شرايح الدجاج وجبنة البارميزان عجبتنا جدًا🥰
لو مستعجل أو عندك مشوار محتاج ساندوتشات على السريع تقدر تطلب ساندوتشات من إختيارك زي ساندوتش الكفتة والشيش طاووق والطعم حكاية لما تغمز الساندوتش بالطحينة ولو عاوز كومبو ممكن تضيف ب ٢٠ جنيه
وعشان نحلي طلبنا كنافة بالجبنة طعمها وهي سخنة تحفة ويا جمالها لو عليها حبة القشطة الطازة😋
المشروبات طلبنا مشروب بلودي أورانج سبريتز ده عصير برتقان🍊 وريحان فريش مع صودا
وفيه عصير الليمون النعناع يخليك منتعش اليوم كله
وتقدر تظبط مودك بالكابتشينو طعمه في الجون خصوصًا بعد أكلة المشويات اللي بتطلبها🥰
فروعه في المنصورة وده أول فروعه
وفيه فرع القاهرة في التجمع الخامس والشيخ زايد
☎️للتواصل
19964
#مطاعم #القاهرة #المنصورة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى