حدائق

سنفرو هاوس_ Snefru House، في دهشور 💚هتعيش يوم ماعشتوش قبل كده

سنفرو هاوس_ Snefru House

✋🏻لو انت بتاع خروجات تقليديه يبقى البوست ده مش ليك ❌

👈🏼لأن ببساطة المكان اللي هنتكلم عنه النهارده من كتر بساطته هو غير تقليدي و يستحق التجربة
هتقضي يوم في تجربة فريدة هنتعرف على الريف المصري وعن الزراعة في المكان وعلى الطبيعة الريفية البسيطة 😍
هتعيش يوم ماعشتوش قبل كده من الاستمتاع والاسترخاء وسط الطبيعة الخلابة في جولة سيراً على الأقدام محاطة بالحقول الزراعية والحيوانات وبساطة المباني الجميلة 🥰
المكان هو سنفرو هاوس_ Snefru House، في دهشور 💚

👈🏼اللي مايعرفش دهشور, تبعد حوالى 30 كيلو من القاهرة، و القرية دي متسجلة فى اليونسكو إنها منطقة تراث
و دا عشان الآثار الموجودة فيها زي
👈🏼أهرامات الملك سنفرو (أبو الملك خوفو)
👈🏼(الهرم الاحمر _ الهرم المنحني _ هرم الملك امنمحات الثالث والهرم الأسود (هرم مبني بالكامل من الطوب اللبن )
وده غير الحياة القروية البسيطة والهدوء التام والخضرة اللي اتكلمنا عنهم في البداية .😍

البرنامج اليومي هيبتدي معاهم بالتعرف بالمكان و نبذه بسيطه عن دهشور و طبيعة الحياة البسيطة فيها
و بعد كدا هيجي وقت الغداء ، غداء فلاحي بيكون (أرز أبيض و محشي و سلطة و ملوخيه و فراخ و مياه معدنية وبعدها تحبس بكوباية شاي مالهاش مثيل)

بعد كده روحنا الجولة الزراعية بنتحرك في الأراضي الزراعية ١٠ دقائق بالعربيات و بنتمشي أو بنركب (عربيه كارته)
وسط الحقول والأراضي الزراعية و بنشوف الحيوانات و بنشرب شاي تاني
و نستمتع بالقعدة وسط الأراضي الزراعية بعد كدا بنرجع المكان بنتعرف على منتجات الحلفا منتجات صناعه يدويه مصرية جميلة واسعارها بسيطة
طيب أسعار الرحلة ⁉️
غداء +الأنشطة
من ١_ ٥ أشخاص سعر الفرد هيكون ١٧٠ ج
من ٦ _ ١٥ شخص سعر الفرد هيكون ١٦٠ ج
من ١٦ _ ٤٠ شخص سعر الفرد هيكون ١٥٠ ج

ولو طلبت فطار و غداء + الأنشطة
الإفطار عبارة عن فطير مشلتت وجبنة و عسل نحل و قشطه و سلطة )
من ١_٥ شخص سعر الفرد هيكون ٢٨٠ ج
من ٦_١٥ شخص سعر الفرد هيكون ٢٦٠ ج
من ١٦ – ٤٠ شخص سعر الفرد هيكون ٢٤٠ ج
رحلة يومسة تستحق التجربة بجد
الأجانب بيجوا من أخر الدنيا يشوفوا بلدك يلا نشجع السياحة الداخلية

كلمهم للحجز والاستفسار عن أي معلومات تانيه 🤙🏻

# بيت دهشور #بيت سنفرو #دهشور #آثار

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى