مطاعم

لو بتخاف من الشطة جرب البارد ولو بتحبها مكانك هنا Hunger Station

Hunger Station

لو بتخاف من الشطة جرب البارد ولو بتحبها مكانك هنا
Hunger Station
مطعم بيعمل فرايد تشيكن
عنده نوعين من الفراخ، الأول البروستد اللي كلنا عارفينه
والتاني بصوص مميز إسمه البافلو وده صوص بتختاره مع أي وجبة👌
بس خد بالك لما رحنا نجربه إتحذرنا منهم أكتر من مرة لإن الشطة عندهم غير أي مكان تاني فلازم تبقى متحمل مسؤولية قرارك😂
لدرجة خطيبتي قالت لي انت متأكد؟! رحت بقى مكشر وقال قفشت آوي اللي هو عيب عليكي ده أنا حريف شطة🔥
أول ما قطمت أول حتة لقيت فجأة الدنيا بقت ألوان في عينيا وللأسف كاريزمتي منعتني أوضح أي رد فعل قدامها ودي أخرة الشبحنة😂😂
قعدت أحاول أرطب على نفسي بالكول سلو والصراحة طعمه كان حلو اوي وقعدت أكل شوية بطاطس صحيح عجبتني بردو بس لسة الشطة سايبة تأثيرها يا ريتني كنت سمعت كلامه😅
خطيبتي ريحت دماغها وجابت ساندوتش
Chicken Capitol
كان Double فيه فراخ كريسبي وخس وخيار مخلل مع مايونيز وسموكد بيف وأميركان تشيز
الطعم عجبها وحتى دقت جزء منه بس طعمه عجبني..
لما صحابي راحوا فيه اللي طلب Beef Mushroom عبارة عن بيف برجر وخس وخيار مخلل مع صوص التيستي والمشروم مع سويس تشيز😍
وفيه ناس جربت ال Desserts عنده كان Waffle Double فيه
شوكولاتة – نوتيلا – فراولة – كراميل..
الفروع كتير
☎️للتواصل
15478
#مطاعم #فرايد_تشيكن #المحافظات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى