مطاعم

الأغا كلمة حفظناها من المسلسلات التركي🇹🇷

والمفروض هي كلمة بتتقال للأعيان وأصحاب الأملاك..

الأغا كلمة حفظناها من المسلسلات التركي🇹🇷
والمفروض هي كلمة بتتقال للأعيان وأصحاب الأملاك..
لكن كمان بتتقال لمحبين الشاورما والمناقيش والمشويات🥰
المكان مطعم الآغا أصل الأكل الدمشقي🇸🇾
أيًا كان نوع الشاورما اللي بتحبه هتلاقيه عندهم..
إحنا طلبنا الشاورما الكيزر كانت عبارة عن ميكس بين فراخ ولحمة☺️
الفراخ طعمها حلو أوي ومألوف لأي حد بياكل وبيحب الشاورما الفراخ
أما اللحمة كانت دسمة شوية بس طعمها كان رهيب😍
جربنا كمان شاورما عيش سوري مع جبنة شيدر وطلبنا فيها اللحمة كانت عاملة ميكس كده يعني تحس الجبنة داخلة على طعم اللحمة🥩
جربنا بقى فنة ميكس معاها الرز والعيش المحمص وجنبها علبة تومية كده تحطها كلها على الفتة يا حلاوة الميكس وهو بينزل في القلب❤️
أما الشاورما بالكيلوهات كانت حلوة إحنا طلبنا نص كيلو وبيجي معاها تومية ومخلل ومحمرة وعيش طعمهم كان حلو أوي😉
فيه بقى وجبة الشاورما كان عيش سوري متقطع أكبر شوية من عيش الساندوتش ومحشي بكذا نوع ما بين فراخ بس وبين ميكس مع مشروم كانوا تحفة
جربنا عروض البرجر طلبنا عرض الواحد ساندوتش برجر + 1 شيش وطبق كنافة هدية كان عرض حلو لكل واحد طالب لوحده1️⃣
وجبات الغربي جميلة وعشان تألقة في الجبنة إختارنا الكوردن بلو كان طعمها قمر🌕
المناقيش مش مناقيش تحسها بيتزا وتقدر تشبعك كمان😎
إحنا جربنا في المناقيش زعتر وجبنة والحقيقة طعم الجبنة الشيدر مع الزعتر واللبنة والعجينة تاخد الخرطة وتدوب فيها دوب..
وفيه بقى مناقيش السجق بالجبنة فظيعة وإنت بتلاقي السجق كده محشي مع العجين وعليهم الجبنة السايحة😋
كمان جربنا الماريا محشية فراخ وفوقيها جبنة وتحتيها تومية والعيش تقريبًا بيخبزه معاها بطاطس جنبها ومخلل وتومية وأحلى حاجة إن العيش طري لكن من فوق مقرمش شوية بس جميييل
البيتزا عندهم مميزين فيها زي ما دقنا مناقيش الزعتر والبيتزا اللي جربناها كانت الأغا وفيها صدور فراخ قطع ووايت صوص + جرجير + مشروم🤩
الفراخ اللي على الفحم مستوية حلو أوي مع طعم الشوي عامل متعة
جربنا نص الفرخة المخلية لو ملكش في العظم مع البطاطس والرز والثومية والعيش
وجبة كافية تشبعك والسعر مناسب💰
كمان لو ليك في البروستد تقدر تجرب الوجبة المقرمشة عبارة عن 2 قطع بروستد وساندوتش كرسبي أو زنجر + كول سلو وبطاطس🍟
العصاير أحجام من أول الوسط للتر
جربنا المانجا وده قانون الشاورما إنك بعد ما تضرب ساندوتش ولا وجبة تحبس بمانجا😂😂
📱للتواصل
16316
#شاورما_ومشويات #القاهرة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى