كافيهات

بمناسبة الويك إند إيه رأيك تروح مع أصحابك أو عيلتك وتفطروا في كافيه محترم بأجواء جميلة؟ Vine Cafe

Vine Cafe

بمناسبة الويك إند إيه رأيك تروح مع أصحابك أو عيلتك وتفطروا في كافيه محترم بأجواء جميلة؟
Vine Cafe
كافيه هتحبه من أول نظرة😍
في الفطار طلبنا من المنيو فطار إنترناشيونال عبارة عن توست وأومليت + فرايز وتركي وروست بيف ده غير الهوت دوج متقطع كده ومعمول بالبصل وخلطة جهنمية مع توست وعسل😍
حاجة كده تدوب في حلاوتها دوب🥰
التوست لما دوقناه طعمه فعلاً فريش وده لقيناه لما طلبنا كلوب ساندوتش كان التوست متحمص بالزبدة😋 ومعاه بيض وتركي وروست بيف والجبنة الشيدر كده وهي على اللحمة والميكس الرهيب ده هتبقى عاوز السندوتش ميخلصش من حلاوته😂
أما بقى لو قضيت إسبوع صعب وعاوز تفرفش يبقى جرب الأيس كريم النوتيلا واللوتس كانوا تحفة ولو ليك في الفواكه جرب الميكس فروت🥳
الحلو بقى مولتن كيك دارك وتشيز كيك يا سلام على الطعم المظبوط والسكر التمام الموجود في الطبق
أما البان كيك فيه نوع إسمه الفاين وده شدنا نعرف عنه فلقيناه عبارة عن لوتس مع وايت شوكليت ونوتيلا وأيس كريم يعني يا صباح أو مساء السعادة على حسب التوقيت اللي طلبت فيه😂
وعندهم أوبشن الإضافات تقدر تضيف أي حاجة عاوزها زي المارشميلو واللبن
المشروبات بقى تكيفك فعلاً جربنا لاتيه لوتس كان إختراع وفيه هوت نوتيلا تخيل بقى لما النوتيلا اللي متعودين ناكلها نشربها شوف الحلاوة
ولو بتعمل دايت أطلب شاي أخضر🤩
لو ليك في الفرابيه تقدر تطلب الموكا من إختيارك زي وايت او دارك
وفيه فرابيه كراميل طعمه جااامد
وبالنسبة للأيس كافي فنصيحة جرب أيس نسكافيه جولد أو أيس شوكليت لإنهم هيخلوا مودك في حتة تانية❤️
وفي الأيس تي هتلاقي المانجو والليمون والبلوبيري وحاجات تانية كتير روح هناك عشان تعرفها وتطلبها
وفي الكوكتيلات جربنا ميكس فروت وبالنسبة للسوفت جربنا صن شاين كان حلو
وعجبنا الميلك شيك فانيليا والفاين اللي عبارة عن نوتيلا ولوتس وبراونيز
غير بقى السموزي زي الليمون نعناع يعني شوية إنتعاش زي الفل😉
وفيه بردو أكلات لو عاوز تتغدى..
📍العنوان
vine cafe – Rafale mall ، شارع أحمد تيسير امام كلية البنات
☎️01000825629 – 01091524112
#كافيهات #مصر_الجديدة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى