Bubbly Waffly
مكان مخصوص لمحبي الشوكولاتات والوافل واللوتس بكل أنواعها😋
المكان ده يا جماعة بيلعب بالشوكولاتات والوافل لعب بس تعالوا ناخد الموضوع واحدة واحدة😅
أول حاجة جربناها كان البان كيك وأحلى حاجة فيها إن العجينة هشة وفيها كذا نوع حشو
مثلاً إحنا جربنا النوتيلا والوايت شوكليت واللوتس كانوا هاشين والحجم كان حلو أوي وأكتر نوع عجبنا هو الوايت شوكليت😍
جربنا بقى إختراع كده إسمه طواجن الوافل وأول حاجة طلبناها كانت بابلي وافل طعمها كان يجنن والكيندر بوينو كانت رسمة كده تدخل تتربع في القلب مش مجرد طاجن🥰
الحلو في طاجن النوتيلا إنه متقطع صغير وممكن تطلب معاها أيس كريم بيخف الطعم شوية والأحلى في الأيس كريم إنه خامته نضيفة وكريمي😎
المولتن كيك كنا محتارين نطلب إيه لإن الخيارات كتير وطعمها تحفة إحنا محبيناش نجرب المولتن العادي وقلنا نجرب اللغوصة فطلبنا مولتن كيك نوتيلا
عارف بقى لما المولتن في الأساس يبقى دسم وتضيف عليه النوتيلا الدسمة متخيل الجريمة واصلة لفين😂والعجينة كمان فلافي..
جربنا السينامون رول وطلبنا فيه الكراميل كانت حلوة وزي ما قلنا العجينة عنده طعمها حلو أوي والحشو متوصي به لإنه بيستخدم كميات حلوة
كيك ديسباسيتو طعمه حكاية ومن أجمل الأنواع براونز أيس كريم تخيل الميكس الرهيب ده وهو معدي سقف الحلاوة بكتييير🥰
فيه الماركة المسجلة بإسم Bubbly Waffly فيها أشكال تقدر تختار اللي إنت عاوزه
إحنا إختارنا بابلي وافل فيها شوية وافل متقطعين صغير كده وعليها كور شوكولاتة صغيرة محشية بردو وعليها بسكوت لوتس
الحقيقة معرفناش ناكلها منين ولا منين يعني ناكل بالمعلقة ولا نمسكها مع الكوباية الطويلة اللي فيها😂🤣 كانت حيرة بس تستاهل✌️
تقدر تختار أي 2 صوص زي ما تحب سواء نوتيلا أو دارك شوكليت أو عسل وإختيارات تانية كتير..
طبعًا لازم القعدة دي تكمل بمشروب منعش من عندهم ويعدل المزاج
السموزي طعمه روعة زي مثلاًُ كيوي تفاح أخضر🍏
وجربنا بابلي شيكس لكن لفت نظرنا في المنيو تشيز كيك شيك دي ميكس بين فراولة + بلوبيري + راس بيري
وفيه الموهيتو طعمه عظمة العظمة وحقيقي هما مبدعين في البلوبيري👏
بالنسبة للكوكتيلات عنده كام أوبشن تبقى عاوز تختارهم كلهم بس لو عملنا كده هنزعل أوي😂 فطلبنا البابلي كوكتيل دي فيها مانجو وباشون فروت مع أيس كريم وخوخ وويبد كريم ومكسرات😌
وفيه نيو إنيرجي لو عاوز تشحن طاقتك منه مانجو وموز وكيوي
ولو بتحب ميكس المانجو والموز والفراولة يبقى جرب فلوريدا
فعلاً المكان رغم إنه صغير لكن ديكوراته حلوة وألوانه مبهجة وكل نوع بيستخدمه في الأيس كريم والشوكولاتات والصوصات خامات معروفة ونظيفة👌
📍العنوان
مجمع البنوك – خلف مطعم أولاد طأطأ أمام كافيه صاحب السعادة – التجمع الخامس
📱التواصل
01122214215 – 01025487070
#مطاعم #مصر_الجديدة
