عاوزين نولع الكلام بساندوتش برجر ينسينا جراح الماضي😂
المكان: Holmes Burger
المكان ده فاتح في إسكندرية ومكسر الدنيا بس فتح كام فرع في القاهرة منهم فرع عباس العقاد – مدينة نصر
المكان ديكوراته حلوة أوي تحس بهدوء كده اللي هو منه بتاكل أكل حلو وفي نفس الوقت مبسوط من قلة الدوشة❤️
لما شفنا المنيو لقيناه صغير ومتقسم فيه الساندوتشات ل 7 برجر و7 تشيكن
ده غير ال Appetizers اللي من كل نوع🥰
أول حاجة كانت Westcoast
ودي من ال Appetizers و عبارة عن أميركان تشيز مع بصل متقطع وشوية برجر متقطعين والبطاطس الكرينكل (المموجة) وعليها بصل متقطع صغير أوي
طعمها كان جميل لإن طعم الأميركان تشيز كان قوي أوي وكمان البصل عامل إضافة حلوة مش لاذعة😇
فيه بقى Cheese Fries عليها الجبنة الشيدر والبطاطس بقى كريسبي كده وحاجة جمدان بس من غير لحوم أو حاجة
يعني لو عاوز ال Appetizers تبقى دسمة كده يبقى نصيحة جرب ال Westcoast
لكن لو مش بتحب اللحوم وتبقى البطاطس كريسبي وغرقانة جبنة يبقى خليك في ال Cheese Fries🤙
نيجي بقى للتقيل وهي السندوتشات😎
أول ساندوتش كان Grand Pa👴🏻
الساندوتش ده كارثة يعني لازم تبقى مش لابس حاجة فاتحة عشان مفيش حاجة تبقع كده ولا كده😂😂
الساندوتش فيه شريحة برجر لحمة مع Mozzarella Sticks وأميركان تشير أو شيدر زي ما تحب مع بصل مقلي متغطي بالباربكيو
الطعم فعلاً حلوة يعني رغم إن الحشو كتير بس فعلاً طعم البرجر باين وكان جوسي وجميل😍
فيه بقى Bloody Hell🔥
ده للناس كييفة الشطة عبارة عن فلفل الهالبينو مع صوص السويت شيلي + بصل وأميركان تشيز (وممكن بردو تضيف الشيدر)💪
الطعم مشطشط أوي بس عامل ميكس جامد كده مع البرجر🌶️🍔
لو ليك بقى في المشروم هتلاقي عندهم Cheesy Mushroom
فيه جبنة كريمي وخيار مخلل مع بصل مكرمل
المشروم فريش أوي ومالي السندوتش يعني محبي المشروم هينبسطوا جدًا✋
والخيار المخلل لذيذ بردو
الحاجة اللي عبجانا في كل سندوتش إن العيش بتاعه جميل
وكل فترة بينزلوا عروض خليكم متابعينهم عشان تستفيدوا منه😉
☎️للتواصل
15217
#مطاعم_برجر #في_مصر
