مطاعم

أجمد شاورما على الفحم من شاورمر

أجمد عروض الساندوتشات عند شاورمر

قلنا نجرب شاورما جديدة مجربنهاش قبل كده فسمعنا إن فيه مطعم في الميرغني إسمه شاورمر بيعمل شاورما على الفحم وبالباربكيو وبيقدم عروض جامدة

لما رحنا عشان نشوف المنيو لقيناه صغير بس فيه مجموعة حلوة ومختلفة

جربنا هناط السندوتشات وجربنا بردو الحواوشي والفتة

بس الأول لازم تعرفه إنهم عاملين عروض كتير زي:
– عرض الساندوتشين ب 80 جنيه
– عرض ال 3 ساندوتشات ب 115
– عرض ال 4 ساندوتشات ب 150 جنيه
أحلى حاجة إن في تغليف السندوتشات مكتوب عليها إسمها يعني مش محتاج تفتح كل السندوتشات عشان تعرف هي إيه

نيجي لطعم الأكل

ساندوتش الشاورما اللحمة:
هتلاقي فيه ريحة الفحم مع التتبيلة عاملة ميكس مش طبيعي وده هتلاقوه بردو في ريحة الأكل
وعلى الساندوتش هتلاقي بصل وبقدونس بزيادة وده مساعد على إن اللحمة تبقى جوسي

تاني حاجة جربنا الشاورما الفراخ:
هي نفس فكرة الفحم مع التوابل بس عليها بقى شوية التومية حلوين أوي ككمية وكطعم مش لاذع يعني تقدر تقول مميزة عن أماكن كتير
وعلى الساندوتش فيه طعم ليمون كده جميل اوي ومدي إضافة حلوة للطعم
وكتوتال الفراخ مش مزيتة أو فيها طعم زفارة وده المهم

تالت حاجة ساندوتش الشيش طاووق:
الحجم بتاع الساندوتش وكميته مع السعر مناسبة جدًا وطعم الشوي باين فيه والتتبيلة بجد حلوة

رابع حاجة السجق هو عامل زي السجق اللبناني:
التوابل بتاعته مخلية طعمه مميز وكمان فكرة إن العيش طري تحس إنك بتاكل كتير وفي نفس الوقت بتشبع

خامس حاجة كان إسمه غريب شوية وهو الكباب الإيراني:
هو مش الكباب اللي عارفينه لإنه عامل زي الكفتة ومحطوطة في سيخ عريض بس حقيقي طعمها عجبنا أوي

بعد ما خلصنا الساندوتشات نيجي للفتة والحواوشي

الفتة بتاعته حلوة فيها الميكس أو حسب ذوقك سواء لحمة أو فراخ
كمان الرز والعيش طعمهم حلوين والعيش بالذات متحمص بشكل مظبوط يعني مش ناشف زيادة عن اللزوم
ده غير الصلصة الموجودة على الفراخ طعمها يجنن وعلبة التومية عاملة أحلى شغل

أخيرًا الحواوشي بالجبنة كحجم وكمية كويسين جدًا والأحلى إن الجبنة دي شيدر والأكل سبايسي يعني لو حريف شطة هتنبسط

العناوين:
– El Merghany: 128 El Merghany Street – Heliopolis- Cairo
– Al Maadi: 250 New Maadi Street – next to the Grand Mall – Cairo
– Fifth Settlement: 106 Town Center Mall, Banks Complex – Cairo
– El- Sheikh Zayed: Waslet Dahshur Rd, Al Sheikh Zayed – Giza
للتواصل
16447
#مطاعم #شاورما #مصر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى