نادي مصر للتأمينات في قلب إكتوبر

كلنا محتاجين يوم نفصل بيه ونغير جو بس في نفس الوقت ميكلفناش كتير إحنا جبناكم المكان دا
وكمان من غير سفر دا في القاهرة عادي

نادي مصر للتأمينات محدش إتكلم عنه قبل كدا بس بجد الأسعار فيه ملهاش منافس

تعرف إنك ممكن تروح تقعد وتستمتع وتغير جو كل دا بسعر يبدأ من 50 جنييه . بالنسبة للمكان هو كبير جدا
وقريب موجود في محور جمال عبد الناصر .
موجود فيه “حمام سباحة كبير – أطفال عشان الكل يستمتع .

بالنسبة للدخول والأسعار فهو طول أيام الإسبوع بـ50 جنية أما أيام الأجازات “الخميس والجمعة” سعر التذكرة
بيكون أغلى بس بردوا في المعقول بـ 75 .

المواعيد في الأيام العادية المواعيد من ٩ص -٣م طول الاسبوع
أما يوم الجمعة متاح فترتين منفصلين الفتره الاولي صباحيه من من ٩ص-٢،٣٠.
الفتره الثانيه مسائيه من ٣،٣٠ع-٩م
تقدر تجمع عيلتك كلها وتروح تقضوا يوم سوا وبالنسبة للأطفال ليهم مميزات لللدخول
-تحت ٤ سنوات مجانا
-من ٤-١٠ سنوات تذكره ٢٥ج فقط
-فوق ١٠ سنوات تذكره كامله

وعشان نكون قولنالكم كل المعلومات في شوية ممنوعات وانت داخل :
ممنوع دخول أي مأكولات او مشروبات.
ممنوع النزول بالملابس القطنيه في الـpool
ممنوع النزول بدون غطاء رأس

العنوان
نادي نصر للتامينات محور جمال عقد الناصر ورا موا العرب