النهارده رحنا DipnDip ده مكان سمعنا إنه من أكبر محلات الحلويات في مصر
وبيعمل شوكولاتات وهم
عنده المنيو كتير ما بين أنواع مختلفة من الوافل والكريبات والبان كيك
ده غير الشاي والقهوة والأيس كريم والميلك شيك
أول حاجة جربنا الفيوتشيني وده كريب متقطع رفيع زي المعكرونة
وعليها ميكس نوتيلا ووايت شوكليت وبولة أيس كريم
ونصيحتنا لو هتطلب كذا حاجة معاها إبدأ بيها الأول عشان الشوكولاتة متنشفش
الأيس كريم كان جميل لإنهم مستعملين نوع نظيف والميكس ككل مع الشوكولاتات حلوين أوي
ده غير إن عجينة الكريب كانت مظبوطة وطرية
الSpeculoos كريب أو كريب اللوتس ومعاه شوكولاتة بيضاء
العجينة يا جماعة طرية وإتقطعت بأقل مجهود لدرجة إنك مش محتاج تدوس عليها
ولو إنت من عشاق الكريب باللوتس هتتكيف من الطعم
فيه البان كيك وده مخصوص لعشاق البان كيك
البان كيك عامله 4 طبقات وعليه 3 أنواع شوكولاتة
وحاطين حواليه بسكوت
ولما تيجي ترفعها كده بالمعقلة لما تاخد شوية البان كيك مع البسكوت هتلاقي طعم كرانشي كده رهيب
بالنسبة للمشروبات جربنا العصاير الفريش منها زي الليمون نعنع كانوا فريش وفرفشونا كده
وفي الميلك شيك جربنا ال Cookies n Cream كانوا ميكس رائع
المنيو:
https://www.facebook.com/dipndipegypt/menu
التواصل:
1206060202
