مطاعم

حواوشي الخن مش هتلقاله زي

حواوشي بميكسات البلوجر

في مصر الجديدة وإحنا ماشيين إفتكرنا إن فيه علم من معالم الحواوشي إسمه الخن وبيعمل حواوشي عظمة
وكمان عنده سندوتشات بيعملها قدامك سجق بقى وحركات
فقلنا نروح ونجرب الموضوع ده خصوصًا إننا سمعنا إنه عامل الحواوشي بإسم كذا بلوجر
ونطلب كام نوع كده ونشوف الدنيا
الحواوشي عنده ميكسات ما بين جبنة وبسطرمة وتركي يعني حاجة تدخل القلب
في الأول جربنا حواوشي البيج ياسمين ده عبارة عن موزاريلا فوق وتحت العيش وفيه شوية سبايسي حلوين بس الميزة إن السبايسي فلفل مش شطة
وفيه شوية دهن كويسين مع نوع العيش اللي بيستخدموه مخلي الطعم حلو أوي
بعدين جربنا حواوشي حمو بيكا…صحيح مش بلوجر بس قالب الدنيا على السوشيال ميديا بفيديوهاته وبوستاته اللي دمها خفيف
في الحواوشي ده كان فيه جبنة تركي مع اللحمة بس طعم التركي هتلاقيه غالب شوية على اللحمة لكن كتوتال طعمه حلو
جربنا كمان حواوشي عدنان وعدنان يعني الرعشة الجميلة وده عبارة عن لحمة وقطع سجق والعيش الجميل
والأحلى في الحواوشي ده إنك تاخد الميكسات دي وتغرسها في الطحينة تعملك دماغ
بس الحقيقة تتبيلة اللحمة والسجق مع شوية السبايسي حلوين جدًا والحواوشي ده مخدوم على حق لإن العيش مليان
تعالى بقى نجرب حواوشي محمد الشامي ده حواوشي بس مليان ديك رومي
والطعم بتاع الحواوشي خرافي بجد
بعدها طلبنا حواوشي حميده اللي فيه كل أنواع البروتين اللي ممكن تتخيلها
وفيه ميكسات بسطرمة مع سجق مع لحمة وجبنة موزاريلا والحقيقة الكميىة كبيرة جدًا
كمان الجبنة الموزاريلا الموجودة مقللة حدوقية البسطرمة والسبايسي
في الأخر ختمنا بحواوشي ضاني وده جايز منكنش بنسمع عنه كتير
اللحمة الموجودة في الحواوشي متشرحة بس الفرق بين الضاني والعجول في المفروم إن الضاني بيبقى مفرول شوية بس الخلطة اللي بيستخدموها في الحواوشي لذيذة
فلو بتحب الحواوشي التقيل هيعجبك الحواوشي الضاني أوي

المنيو:
https://www.facebook.com/hawawshielkhon/menu

العنوان:
٢٨ شارع عمر بن الخطاب ميدان الاسماعيليه عماره الضرائب مصر الجديدة, القاهرة, القاهرة, مصر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى