مطاعم

بيتزا خلطبيتة في مطعم Chicago Pizza

إيه اللي جاب شيكاغو لبورسعيد لمصر الجديدة

عارفين نوع البيتزا الأمريكي اللي هي Stuffed وAmerican

هتلاقوا بقى الحاجة دي في Chicago Pizza

لما رحنا لقينا المنيو كتير فقلنا نختار كام حاجة كده عشان نجربها ونشوف الطعم هيبقى إزاي

في الأول جربنا ال Appetizers
اللي طلبناه كان تشيز فرايز بالفراخ الكريسبي
الصراحة الفراخ عبارة عن صدور وطعمها حلو أوي وجوسي
والبطاطس كمان خفيفة وبهاراتها حلوة

جينا بعدها نجرب بيتزا هاواي ودي بيتزا غريبة أوي لإن فيها أناناس وفراخ اللي هو إيه اللي جاب القلعة عند البحر

بس لما دقناها لقيناها حلو أوي كأنك دايق طعم مسكر في نص البيتزا مع تشيكن باربكيو

والأحلى إن العجينة نفسها حلوة مش تخينة زيادة وفي نفس الوقت الجبنة كتير

بعدين جربنا بيتزا سي فود والميزة هنا إن أساس المطعم في بورسعيد فكل السي فود فريش

طب بيتزا السي فود دي عبارة عن إيه؟
– جمبري
– سلمون
– Crab Stick

الجميل بقى إن الجمبري صغير بس عشان فريش فطعمه طاغي على باقي البيتزا
والبيتزا كمان ماسكة نفسها كعجينة يعني مش معجنة من تحت
وكمان السي فود ده عاملين ميكس حلو ومفيش طعم زفارة والبيتزا نفسها خفيفة

قلنا نجرب الماك أند تشيز عبارة عن سلمون مع Crab Sticks وجمبري وكافيار

هو يعتبر سعره غالي بسبب المكونات اللي فيه بس الحشو كتير والجبنة كميتها حلوة
وكمان الجبنة الكريمي والشيدر باين في الشكل والطعم
ولو بتحب الحاجات المملحة وشية هيعجبك طعمها عشان الكافيار مملح شوية

في الأخر طلبنا البيج بوص ودي إسمها بيتزا سوبريم لحمة
دي حجمها والحشو اللي جواها مغ كمية الجبنة اللي بتشد زائد سخونة البيتزا نفسها حاجة كده تفرح
يعني لو بتحب اللكمة هتنبسط
البيتزا عبارة عن زعتر فوق البيتزا ومحشية لحمة مفرومة وسلامي وبسطرمة وسوسيس
إستايل البيتزا نفسها 4 قطع تشبع لو كلت قطعة أو إتنين منها بس يعني لازم حد يشير معاك
عارف لما تجرب الحواوشي مع البيتزا؟ أهو ده اللي هتلاقيه
لإن العجينة اللي تحت البيتزا العادية مش المعجنة
وفوق العجينة رقيقة وخفيفة يعني بتقرمش سيكا
والصراحة نوع اللحوم والجبنة نظيف جدًا

المنيو:
https://m.facebook.com/story.php?story_fbid=pfbid02GD3TChQDjnX9gUt3rQpQxKkemYUiBh7FrGx6U4jNshKo16yNZH5dfbUvmT12Sq5l&id=101410129146830

العنوان:
مصر الجديدة، شارع عبد الحميد بدوي، أمام نادي الشمس بجوار كنتاكي

للتواصل:
01228300303
01553868866
01050056035
221802228

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى