مطاعم

عمل الصح 3al Dikka – ع الدكة

الخروجة هتكمل "المكان والأكل" ب200 جنيه

كل مرة تقول مش لازم الخروجة يبقي فيها أكل وتيجي وسط الخروجة تجوع وتدور على أي حاجة تتاكل
طب ما من الأول ممكن نختار مكان ينفع للإتنين الإنبساط بالمكان وكمان الأكل الحلو

وإحنا لقينا المعادلة دي في المكان دا 3al Dikka – ع الدكة
فطار في الهواء الطلق لأ وكمان حواليك زرع ونخل وجبال وركوب خيل ببلاش ولو إنت أكيل متقلقش
الريفيل موجود ومن غير فلوس زيادة .

مع العلم إنت جوا القاهرة مش مسافر يعني بالعربية حوالي ربع ساعة من الدائري وتكون وصلت المكان ومن هنا هتبدأ يومك في أجواء مختلفة وهادية وبعيدة عن الزحمو وتعب الأعصاب .

نقى قعدتك من ترابيزات أو قعدة عربي على الأرض وطيعا تقدر تبدل بينهم براحتك تقعد هنا شوية وهنا شوية
الأكل بقى وحلاوتة عندهم إن في قاعدة مهمة أوي أنت بتاكل من المنيو الموجود يعني :
الوقت ده مش أوان ورق العنب فمش هتلاقى عندهم لانهم مش عاوزين يجيبوا حاجات مجمدة وقيس على كدة الفراخ اللى بتتدبح طازة كل يوم او الحمام او اللحمة وكل الأكل حرفيا .

اليوم اللى أحنا كنا فيه هناك كان الأكل سيوى يعنى كان فراخ او لحمة بتتسوى فى برميل فى حفرة فى بالصهد وتحتيها رز .
لكن اللى كل يوم هو الاكل الفلاحى اللى هو كرنب وملوخية وطواجن رز معمر وبطاطس وهكذا
في الوقت دا حابب مشروبات هتلاقي حابب تقوم تركب خيل هتعمل كدا

بنرشح المكان جدا لكل حد عاوز يغير مود
لتليفون للحجز : 01002749561
العنوان :
أفضل طريق تمشى بجوار ترعه المريوطيه, بعد معهد المدينه تدخل يمين عند بنزينه أوليبيا و تكمل أخر الشارع شمال .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى