غير مصنفمطاعم

يلا شاورما بيعمل أحلى إختراعات

يلا نجرب شاورما من يلا شاورما

في يلا شاورما هتلاقي الشاورما مختلفة

مش زي الشاورما اللي عارفينها سواء مصري أو سوري
لكن هتلاقي شاورما لبناني في عيش وبخلطة خاصة بيهم

زي العيش البيتا اللي شبه العيش الشامي والعيش السامونا
هتلاقي هناك بوكس فيه ساندوتشات ميني وفيه ساندوتش كبير
الأول جربنا البيتا الصغير هو حجمه صغير خالص لكن كعدد حلو جدًا

جربنا البيتا اللحمة في الكبير والصغير والميزة إن البصل اللي مستخدمينه هو البصل الأحمر مع الطحينة
والبصل فيه سنة خل حلوة
واللحمة كمان طرية وجوسي في الساندوتش وطعم العيش نفسه جميل

بعدها جربنا البيتا بس فراخ هتستمتع أوي بالتومية مع الخيار المخلل وبردو العيش جميل أوي

بعدين جربنا العيش السامون بردو شاورما لحمة وفراخ
وعاملين نفس فكرة البوكس
العيش السامون سمكه رفيع أوي وطعم اللحمة مسمع مع البصل اللي بالخل مظبوطين بالحرف
بالنسبة للفراخ في السامون عجبتنا أكتر الصراحة وكمان جوسي وعاملة ميكس حلو مع التومية والخيار المخلل وطعم العيش

حابينا نغير تجربتنا في الشاورما لتجربة حاجة تانية فالدور وقع على الكفتة
الكفتة في العيش السامون بتكون سبايسي هي طعمها غريب مش زي اللي متعودين عليه
بس كطعم ومضغة لذيذة ومظبوطة

جربنا كمان اللحمة السامون دي مكس غريب أوي يعني تخيل كل حاجة مخلوطة في بعض مش متفرقين
تخيل اللحمة مع الطحينة مع الطماطم مع البصل مع الليفت
والغريب على الميكس ده جوسي وفي نفس الوقت العيش مش طري أو متفرول

في الأخر قررنا نحلي فعرفنا إن من أشهر الحلويات هي فطيرة ال Pistachio
الجميل في الفطيرة دي إن عليها أيس كريم فانيليا وحلاوة شعر
تخيل كده لما تقطع حطة فطيرة مع حلاوة الشعر وتغمسها بالأيس كريم فانيليا مع طعم الPistachio
يا حلاوة الطعم والسكريات وهي بتضرب كده في مزاج الواحد

المنيو:
https://www.facebook.com/YallaShawerma/photos/p.162963362982640/162963362982640

العنوان:
CHILLOUT Gas Station – Beside Dolphin Mall – Destrict 1 – 6 October, El Shikh Zaid, Egypt

التواصل:
01552669266

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى