مش لازم البلاي ستيشن يبقى مكان مقفول
لإن ببساطة ممكن تلاقي مكان بيعمل كل حاجة زي المشروبات والأكل
وكمان بتعمل كل ده في فيو ممتاز زي الغابات بالظبط.
لما بتدخل المكان في الأول بتلاقي ديكور مختلف ما بين الإسود والذهبي
يعني إستايل وديكور شيك أوي
وطبعًا الفيو مع البلاي ستيشن مع الأكل والشرب والقعدة ده يقولك قد إيه المكان مساحته ضخمة
المكان فيه فطار وغذاء وعشاء
الأول عنده التراس بيعملك فيو على الشارع حلو أوي
والأحلى إنه مختار شارع مليان شجر
تحس كده إنك قاعد في جزيرة منعزلة مش شارع في مدينة نصر وده مخلي المود روقان
في الأول طلبنا فطار والفطار هناك أورينتال
الأورينتال ما بين فول وبيض وحاجات حلوة كتير
تقدر تختار ما بينهم براحتك أو تقدر تطلب فطار الجولدن وده عبارة عن:
– فول
– طعمية
– باذنجان
– بيض
– سلطة
وممكن تطلب معاهم شاي عربي وهو بيتصب كده من البراد للكوباية (الكاسة) هيظبط مودك
وممكن تطلب شوية حمص شام يدفوك في الساقعة دي ولو عليها رشة ليمون الكلام هيختلف
لو بقى عاوز تتغدى ممكن تطلب Appetizers تفتح نفسك كده
مثلاً لو طلبت الإسبرينج رول اللي هو فراخ وجبنة وخضروات هيكيفك أوي لإن كل الميكس ده عامل مذاق ملوش مثيل
كمان فيه طاسة سجق مكسيكان مع خضروات مشكله هتفتح نفسك ولو أكلتك بسيطة هيقدر يشبعك لوحده
وفيه سلطات زي التشيكن سيزر أو بلو تشيز سلاط عليه دريسنج الريكفورد ومعاها التفاح وعين الجمل والخضروات
أما الشوربة فممكن تبدأ بشوربة سي فود كريمي ودي فيها كاليماري وجمبري وكابوريا وصوص الكريمة مخلية الشوربة في حتة تانية
لو ليك في المشويات تقدر تطلب صدور فراخ مشوية والصراحة التتبيلة حلوة وينفع تطلب معاها بطاطس أو رز بسمتي حسب ذوقك
وفيه جولد إسكالوب بيحطوا عليه صوص مميز أوي ونوع اللحمة اللي بيستخدموها شريحة لحمة بتلو
لو عاوز تعيش الجو الأمريكي تقدر تطلب فاهيتا إسكاليت تكساس ودي شرايح لحمة متتبلة بشكل تحفة تحس إنك في تكساس بجد
ولو ليك في الباستا أطلب نجرسكو هيعجبك جدًا مع قطع الفراخ والجبنة الموزاريلا
أحلى حاجة الفراخ فريش والمكرونة مظبوطة مش معجنة والأكل بينزلك سخن
أما البيتزا إحنا طلبنا ميت لافرز ودي فيها ميكس لحوم ما بين هوت دوج ولحمة مفرومة وبيبروني مع موزاريلا وخضروات
وفي النهاية فيه سكشن بانورما وسكشن لمكان التصوير
ولو عندك عيد ميلاد تقدر تعمله ببلاش
وبيعملوا خصومات كل جمعة بنسبة 25%
المنيو:
https://www.facebook.com/photo/?fbid=123808467114245&set=p.123808467114245
العنوان:
١٩ شارع مصطفى حمام متفرع من شارع عباس العقاد
الموبايل:
01556644989
