مطاعم

في Swisra cheese أجمد طاسات متغرقة جبنة

طاسة تسد الجوع

لما الجوع يكبس عليك هنقولك إزاي تشبع على الأخر وتتبسط ب 60 جنية بس
ألبان سويسرا من أشهر الأماكن في الطاسات السريعة بيقدم شوية طاسات عظمة مستحيل تلاقيلها منافس والكلام دا عن ثقة

أوعي يفوتك المتعة دي ومتجربش العظمة دي , هناك أغلب الطاسات سعرها 43 وممكن كملن تطلب بيبسي ريفيل ب 15 جنية ويبقي كدا انت في التمام بجد .

الأهم من دا إنهم عندهم فن صناعة الطاسة وبيستخدموا أنواع جبنة إنت مش متخيلها خالص
مش اي حاجة تتعمل طاسة جبنة، و نوع الجبنة نفسه بيفرق، و الناس دي متخصصين في الطاسات فا بيعملوها حلو اوي و عاملين الميكسات اللي تليق مع الجبنة .. صدقني هتحتار تطلب إيه ولا إيه !

هنقولك شوية أنواع :
“الغموس”طاسة جبنة مع كفتة داود و طاسة شيش طاووق بالجبنة دول بينزل معاهم عيش فينو طازة عشان اللي كيفهم في التغميس.
نيجي بعد كدة للطاسة” الميكس” (سلامي و كرسبي تشكين و تركي مدخن) طعم الحاجات دي مع الجبنة و قرمشة الفراخ كل دا حاجة جامدة جدا

وممكن تجرب طاسة المكرونة بالكبدة هتتبسط بيها طعمها عظمة ..
عملوا ساندوتشين جداد “برجر واحد لحمة و التاني فراخ”
البيف برجر بيتعمل بال Blue cheese و صوابع الجبنة الموتزاريلا المقلية و التشكين برجر ساندوتش بيتعمل بصوص ال Honey mustered و حلقات البصل المقلي، اللي هو ساندوتشين اجمد من بعض، مفيش فيهم حاجة عادية و غالبا لازم هتجرب الاتنين

ولو بتفكر في الحلو إطلب طبق السكلانس المتغرق بالقشطة والعسل .
رقمهم
01277687759
العنوان
97 شارع المرغني، عمارة فاتن حمامة، الواجهة الخلفية، مصر الجديدة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى