مطاعم

أحلى عجينة في Nilos

بيتزا وقعدة في مكان واحد

وإحنا ماشيين ناحية أول عباس لقينا مكان تحت الكوبري بيعمل بيتزا وفطاير وصاروخ وحاجات كده حلوة لعاشقين المعجنات

في الأول قلنا نطلب طاسة جبنة
ودي عبارة عن جبن كتير مع خضار وبيجيلك معاها رغيف فينو

لما دقناها لقينا طعم الشيدر طاغي على الأكل
لكن الطعم حلو جدًا والعيش طازة وكمان الطاسة نفسها مش تقيلة يعني طعم الجبن خفيفة

بعدها قلنا نجرب الفطيرة الصاروخ كانت رول تشيكن رانش

الطعم كان جامد ومليان جبن ومكونات كده روعة
فلو بتحب الحاجة المدملكة اللي بتملى البق مع أول قطمة بحشو وأطعم كتير هتنبسط جدًا

نيجي بقى للكبير وهي البيتزا

البيتزا الإيطالي السوبريم
الصراحة العجينة تحفة وفيه تشيزي بايتس خطيرة
يعني هتلاقي البيتزا نصها تشيزي بايتس والنص التاني بيتزا وواخدة كراست حلوة كده
ويا سلام لو ضفت عليها كاتشب أو هوت صوص هيكيفك بجد

نيجي بقى للفطيرة السجق الكيري
دي فطيرة ملفوفة لف غربي مش شرقي جواها السجق بالموزاريلا بالكيري
هتخليك تقول يا جمال الفطيرة الدسمة
ويا سلام وإنت بتشوف البيتزا كده بتشد معاك مع السجق وهو سخن وطالع طازة

البيتزا ماسكة نفسها وفيه نوعين ممكن تطلبهم بالنسبة للخضار
يا إما خضار على البيتزا من بره أو مع الحشو من جوا

في الحالتين إنت الكسبان لو بتحب الطريقتين
لكن لو بتحب كله يبقى يا سعدك يا هناك

أما بيتزا ميكس لحوم دي إختراع في الجون
هتلاقيها مليانة سجق وهوت دوج وسلامي وحاجات كتير مع الجبنة عاملة طعم حوار
وفيه After Taste هيعجبك

بشكل عام اللحمة فريش والفطيرة رقيقة

لو حابب تشرب حاجة بعد الأكل ممكن تلاقي هوت كيت كات بتكون دسمة وسخنة عشان تدفيك
ولو عاوز سموزي يفرفشك عندهم ليمون نعناع طعمه جميل

المنيو
https://www.facebook.com/100076453327713/menu/?referrer=PAGE_ATTACHMENT

العنوان
شارع النصر أسفل كوبري أول عباس العقاد أمام بنك بلوم مصر

للتوصيل
01111555980

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى