الشيخ زايد عمر خروجاته ما خيبت توقعتنا ولما جوعنا قولنا نجرب Bikia Eatery والصراحة قعدته تجنن
المكان متقيم indoor – out door سواء حابب تقعد على الروف في الهواء الطلق أو بتحب الهدوء والجو الدافي هتلاقي قعدتك ..
ديكوراته كلها خشب والسلم و الحيطان من الاسمنت و متعلق في كل حتة حاجات قديمة كاميرات و راديوهات
وبيقدم أكل الشارع اللذيذ بنظافة وبخلطتهم هما , يعني شوف بتحب تاكل إيه وهتلاقيه .
يعني الأطباق متنوعة بين فطير تلاقي كبدة و سجق تلاقي و طاسات و مكرونة و قنبلة و بطاطا …
وطيعا الأكل ميحلاش من غير المقبلات ودي عندهم تشبع لوحدها طاسة كبيرة كدة مليانة كبيبة و سمبوسك بالجبنة و اللحمة و سبرينج رولز بس بالفراخ و رقاق باللحمة و موتزاريلا ستيكس .
كنا عدد فتقريبا جبنا أغلب أطباق المنيو وكلها عجبتنا من أول شاندويشات الكبدة والسحق لحد طاسات المكرونة وكمان طاجن المسقعة
طاسات الفراخ دخلت قلبنا فراخ بالباربيكيو و لحمة بالبصل ممتازين .. وكمان جربنا الفتة ومندمناش .
ومدام حدقنا يبقي لازم نحلي بالقنبلة اللي فيها فواكه و بسبوسة و قشطة و ملينة من فوق كريمة واخدة مستوي تاني خالص في الحلاوة ,و كمان بطاطا بالبشاميل كانت خفيفة .
العنوان: مول Atrium Plaza في شارع الشباب – الشيخ زايد – 6 أكتوبر
جوجل ماب: https://goo.gl/maps/pe6uXrk3imA2
التليفون: 01063555000
