فيه مكان في التجمع الخامس بيعمل مشويات وطواجن وطاسات بأسعار غريبة لدرجة الطاجن بيبدأ من 25 لحد 50 جنيه
المنطقة اللي هو فيها نظيفة ورايقة والمكان فاتح في بارك مول والصراحة المكان ظريف أوي
الأول طلبنا المقبلات فيه الكبيبة والممبار
الكبيبة كانت تحفة والممبار في بدايته تحس التتبيلة هادية بس بعدين هتلاقي شوية سبايسي كده يعملوا حريقة
كمان السامبوسك الجبنة تحسها مليانة جبنة أما سامبوسك اللحمة فلميانة وطعم العجينة مميز
أما الأكل نفسه وده الجد فبدأنا بطاجن الملوخية والصراحة طعم الطشة رايق ومعاها الرز الأبيض عامل جو بيتي أوي
تخيل بقى تخلط الملوخية على الرز هتتكيف بجد
طاجن رز المعمر بقى ده البوص شكل الطاجن وحجمه بشوية القشطة يخلي الرز كريمي
وكمان اللحمة نفسها مظبوطة في طعمها وكميتها حلوة
بس يا جماعة طاجن مكرونة البشاميل حكاية ورواية لإنها بتبقى واخدة وش جبنة واللحمة واضحة ونظيفة ونفس المكرونة مش معجنة
قلنا منسيبش الوليمة دي من غير طاجن كباب الحلة بس بخلطة برة البيت لإنك هتلاقي اللحمة القطع متقطعة بشكل مختلف شوية
بس الصراحة طعم اللحمة وصوص كباب الحلة جمدان
تخيل بقى لما تاخد رغيف العيش البلدي وتقطع حتة تعمل بيها ساندوتش لحمة بالصوص يا جمال وطعامة الأكل
لو ليك في الفتة المصرية بشوية الصلصة اللي بتيجي جمبها فتخلطها مع الرز وعليها قطع اللحمة المتحمرة وجواها العيش متسقسق
كل طاجن هنا حجمين ما بين صغير وكبير بس خد بالك الكبير يكفي كذا فرد وواخد شوربة
لكن فتة الكوارع أتقل في الحجم بس طعمها دسم للي بيحب الاكل الحرش
طاجن البامية بيكون مسكر لإنه صغير ومع اللحمة مع لقمة العيش البلدي يا حلاوتها
قلنا نختم بالميكس جريل والطاسات
الميكس جريل حجمه كبير وبينزلك مولع نار
بدأنا بالكفتة طعمها وهي مشوية بالتتبيلة جميلة وطريقة
أما الطرب فهو مبطط والمنديل متحمص من برة والحمة من جوة جوسي والميزة إنها مش مدهننة
والريش خطيرة لكن بشكل عام الميكس جريل ريحتها عجبتنا أوي
تقدر تطلب بوكس ال 80 عبارة 4 ساندوتشات مختلفة مع شوية بطاطس أو سندوتشين مع الحواوشي
الحواوشي بيبقى متقطع نصين ومقرمش وجواه بقدونس ويا حلاوته لما تغمسه بالطحينة
الساندوتشات بقى عبارة عن:
– شاورما لحمة جوا الفينو وعليها البقدونس واللحمة كتيرة وكمان عاملة ميكس مع الطحينة
– الكفتة نفس الميكس جريل بس في الفينو
وأخيرًا طاسة السجق وطاسة الكبدة
السجق فيه دبس الرومان وفيه الشرقي بس اللي بدبس الرومان لازم يتاكل بالعيش ويا طعامة السجق لما تغرسه مع الدبس
أما الكبدة فعاملة زي عربيات الشارع بتكون حرشة وشطة وكمان متقسمة لشرايخ طويلة ومتقطعة صغير
المنيو:
https://www.facebook.com/Jalsaarabyrestaurant/menu/?id=100070875949822&sk=menu
العنوان:
The Park Mall, First New Cairo – Cairo
للتواصل:
01281950439
