مكان في قلب مصر الجديدة جابلك كل حاجة لحد عندك المكان هو بي 8 ايتري لاونج اولا المكان ده فيلا ده لوحده يخليك تعرف انتا هتبقى قاعد في ايد هي فيلا في قلب مصر الجديدة فيها اللى ممكن تحتاجه عشان تنبسط تنفع تفطر فيها تتغدا فيها تتعشى فيها تلعب فيها تتصور كمان فيها
المكان قعداته حلوة اوى و مجهز بمكانين ان دور مكيف عشان لو حابب تقعد في التكييف و الجو برا حر
و اوت دور قعدة مليانة مراجيح و ترابيزات شيك في الهواء الطلق كده اللى هو بتقعد و تقول شوية هوا يردوا الروح
في الفطار جربنا الفطار السبانيش و ده و دا كان عبارة عن هوت دوج و بيض اومليت بالجبنة مع توست متحمص بالزبدة و الزعتر و خدنا معاه اورانج جوس بيور و لاتيه بصراحة كلن حلو جدا و خفيف ع المعدة في اول اليوم
بعد الفطار بقى دخلنا ع البلايستيشن و اللي قعدته جامدة جدا اوض مكيفة و اضائاتها جميلة و تشيل م الحبايب 1000 زى ما بيقولو لانها واسعة فعلا و تنفع لو شلة كبيرة رايحين سوا و عندهم اوضة تانية اصغر لو عددك قليل و عايزين تلعبوا براحتكم في برايفت روم بردو
وصلنا لميعاد الغدا بقى و هنا طلبنا وجبة الفاهيتا و اللي بتيجي بدخانها الشهير الكتير اللي معروفة بيه و كان معاها رز و بطاطس و عيش محمص و صوصات طبعا بصراحة كان طعمها حلو اوى و كانت سخنة اوى و توابلها مظبوطة و الرز بتاعهم كمان كان طعمه حلو اوى و بينزل معاها بطاطس محمرة متبلة بتتبيلة ريحتها و طعمها احلى من بعض
جربنا كمان المكرونة بالوايت صوص و الخلطة مع بانيه عليه وش موزاريلا و صوص كان طعمه و تسويته يستاهل جايزة اللى هو ازاى جامد كده
الستاف هناك كان لطيف جدا و متعاون جدا و بيحاولوا دايما يكونو معاك عشان لو احتجت حاجة
