النهاردة مغامرتنا كانت في المعادي في قلب عالم مارفل للكريب فرع المعادي
المكان هو كريبتون بصراحة كده من اجمد الاماكن اللى بتعمل كريبات احنا كنا جربنا فرع هليوبوليس و عجبنا جدا عشان كده قولنا المرادى نجرب فرع تانى و اختارنا فرع المعادي و طلبنا منهم اننا نروح نصور الكريب و هو بيتعمل قدامنا عشان نشوف العظمة دي بتحصل ازاى
دخلنا المحل اول حاجة حسيناها اننا في فيلم من افلام مارفلز بالسوبر هيروز بتاعتهم و صورهم اللي مالية الحيطة في كل شبر فى المكان دا غير طبعا انهم بيستخدموا اسامي هيروز بردو في الكريبات بتاعتهم زى التايتان و السماشر و حاجات في نفس السكة دى
و شفناهم و هما بيفردو العجينة ع الجريل و بيدوها اللون البنى الفاتح ده و يسووها مظبوط
و كنا طالبين منهم كريب ستريبس و معاه بيبرونى و هالوبينو عشان الشطشطة و بصراحة كان تحفة اوي
كمان جربنا البانيه الدهبي الملون ده باللانشون و بردو كان افتكاسه جامدة اوي و عاملين ميكس حلو سوا بين اللحمة و الفراخ
الكوردون بلو بالتركي ده بقى حكاية لوحده بتحس بطعم الفراخ و الجبنة السايحة اللى جواها مع شرايح التركي و التوابل اللي مخلياه حلو زيادة
بيعمل بقى اختراع بتاعه مدوقناش في حلاوته في مكان تانى اللى هو كريبات البرجر بالاضافات المختلفة احنا جربناه احنا جربنا منه السادة و البيبرونى و الاونيون رينجز بصراحة التلاتة كانوا احلى من بعض و تتبيلة البرجر نفسه كانت مميزة اوى مع الكاتشب و المايونيز هتحس فعلا بتجربة مميزة في كل قطمة منه
المكان كمان عامل عرض حلو اوى هتعرفوه من استاذ احمد مدير المكان بنفسه
كمان تقدروا تتابعوا كل فيديوهاتنا على موقع و قناة مصر أونلاين
