ازيكو النهاردة جبنالكو مطعم و كافيه في مدينة نصر بس حاجة كده اليجنت اوى
المكان هو لو سييل مطعم و كافيه المكان مريح جدا للاعصاب و هادي لو بتحب القعدة الهادية و الرايقة طول اليوم كمان هناك تقدر تتفرج على كل ماتشات الدوري الانجليزي طول اليوم
المكان كبير و واسع متقسم 3 بارتيشن كبار و كيدز اريا كمان لطيفة اوى عشان خاطر لو رايح و معاك اطفال هتقدر تبسطهم و تنبسط انتا كمان و ف نفس الوقت هتريح نفسك من دوشتهم لانهم مش ها يسيبو الكيدز اريا من حلاوتها
طبعا عنهم منيو كبير في مأكولات و مشروبات كتير بس احنا جربنا من عندهم البلوبيري السموزى و بصراحة كان طعمه حلو اوى و مظبوط جدا
جربنا كمان السوفت ريد موخيتو باللمون بصراحة اختراع يتاخد عليه جايزة و طعم اللمون و لسعته كانت بتعمل كهربا ف الجسم كده غير ان شكله نفسه كان حلو اوي و في بابلز تحسها بتنور كده
المكان مناسب جدا للعائلات و للمذاكرة و كمان اعياد الميلاد
تقدروا تتابعوا كل فيديوهاتنا على موقع و قناة مصر أونلاين
