قعدة جوة الهرم بس انتا مدخلتوش
ايه الكلام ده هو ايه اللي جوة الهرم و انتا مدخلتوش
يعنى تبقى قاعد في ركنة كافيه دا كافيه قدام الاهرامات بالظبط قعدته كلها ع الروف و بيطل على الاهرامات يعنى تقدر تروح تاكل و تشرب و تتفرج ع الهرم طول اليوم او تروح بليل تتعشى عشوة لطيفة و تتفرج ع عروض الصوت و الضوء بردو
مكان ديكوراته حلوة جدا و مليانة لون اخضر حواليك يعنى الخضرة و الصحرا في نفس المكان الحاضر و الماضي سوا
ترابيزاته كلها فرعوني ماعدا اسم المكان طبعا روكنة عادي جدا و ها تلاقي الترابيزات مليانة اشكال و حروف فرعوني كتير جدا
قعداتهم حلوة اوى و اكلهم و شربهم كمان جامد جدا
طلبنا بيتزا تشيكن باربيكيو حرفيا كانت جامدة جدا و الفلفل الالوان عليها كان مديها شكل يفتح النفس قبل حتى ما تدوقها و طبعا غرقانة جبنة
جربنا كمان وجبة الميكس جريل عندهم و اللي بتكون روق عنب و كفتة و فراخ مشوية معاها رز و بطاطس و سلطة و طحينة و عيش و حقيقي بتشبع جدا
و طبعا خدنا معاهم مشروبين واحد ليمون نعناع و واحد سبرايت لزوم الهضم و كده
المكان جميل جدا و قعدته بجد حلوة اوى يستحق تجربوه
ممكن كمان تتابعوا كل فيديوهاتنا على موقع و قناة مصر اونلاين
